ყველა საუნას აერთიანებს დეტოქსის ფუნქცია. თითოეულ საუნაში პროცედურა ხელს უწყობს ორგანიზმიდან შლაკებისა და ტოქსინების გამოყოფას. (შლაკები და ტოქსინები ორგანიზმში დაგროვილი მავნე ნივთიერებებია); თითოეული მათგანი გამოირჩევა საკუთარი უნიკალური შესაძლებლობებით: 

“მელიის სორო” – არომათერაპიისა და ჰიდროპროცედურის ნაზავი კომპლექსური თერაპიისთვის:

▪ ააქტიურებს სისხლის მიმოქცევას
▪ ეფექტურია სისხლძარღვოვანი დაავადებების მკურნალობის პროცესში
▪ ხსნის შეშუპებას და სიმძიმის შეგრძნებას კიდურებში

საუნაში განთავსებულია პატარა ზომის ვირპული, სადაც შეგიძლიათ გაიკეთოთ ფეხის ჰიდროპროცედურები – ჰაერისა და წყლის ჭავლის მონაცვლეობით.

ტენიანობა: 100% 

ტემპერატურა: 42-44˚C

სარგებლობის რეკომენდირებული ხანგძლივობა: 20 წუთამდე

 

მარილის ორთქლის საუნა – იოდიზებული მარილით გამდიდრებული ორთქლის თერაპია უზრუნველყოფს სასუნთქი გზების მეშვეობით ორგანიზმში იოდის ბალანსის აღდგენას.
საუნაში განთავსებულია მოსახერხებელი, წამოსაწოლი სავარძლები.

ტენიანობა: 100%

ტემპერატურა: 45˚C

სარგებლობის რეკომენდირებული ხანგძლივობა: 15 წუთამდე

 

მცენარეული საუნა – მათთვის, ვისაც განსაკუთრებული არომატები უყვართ!
რელაქსაცია და მკურნალობა არომათერაპიის ეფექტით!
პროცედურა ტარდება ისეთი სამკურნალო ბალახეული მცენარეებით, რომელთაც გააჩნია დამამშვიდებელი, ანტისეპტიკური, ანტიცელულიტური, ანთების საწინააღმდეგო, ტკივილგამაყუჩებელი მოქმედება.

ტენიანობა: 55-60%

ტემპერატურა: 45-55˚C

სარგებლობის რეკომენდირებული ხანგძლივობა: 15 წუთამდე

 

ინფრაწითელი საუნა – იაპონელი ქალების სილამაზის ერთ-ერთი საიდუმლო!
იაპონური ხისგან დამზადებულ სივრცეში ინტენსიურად გამოიყოფა ბუნებრივად აქტიური ნივთიერება – ფიტოციდები, რომელიც სასარგებლოა სასუნთქი სისტემისთვის.
საუნაში ჩამონტაჟებული ინფრაწითელი გამოსხივება ხელს უწყობს სითბური ეფექტის მეშვეობით სხეულის დაზიანებული ზონების მკურნალობას.
სითბური ეფექტით ორგანიზმის დამუშავება განსაკუთრებით სასარგებლოა მასაჟის დაწყებამდე ან/და სხეულის კორექციის პროცედურაზე შესვლის წინ.
ინფრაწითელი ტალღოვანი სხივები ხელს უწყობს მოკლე დროში სხეულის კორექციასა და გაჯანსაღებას, კანის სიგლუვეს.

ტენიანობა: 32-38%

ტემპერატურა: 45-50˚C

სარგებლობის რეკომენდირებული ხანგძლივობა: 10-20 წუთი

 

ორთქლის რომაული საუნა – 100%-იანი ორთქლის საუნა, ინჰალაციის ეფექტით, აძლიერებს იმუნიტეტს, ორგანიზმს ხდის ბრძოლისუნარიანს ვირუსების წინააღმდეგ, ხსნის სასუნთქ გზებს და ასუფთავებს ფილტვებს.

ტენიანობა: 100% 

ტემპერატურა: 42-44˚C

სარგებლობის რეკომენდირებული ხანგძლივობა: 10-25 წუთი

 

ფინური საუნა – ფინურ საუნაში წარმოქმნილი ცხელი ჰაერი არა მხოლოდ წმენდს და აახალგაზრდავებს კანს, არამედ ორგანიზმს სხვადასხვა დაავადებებისგანაც კურნავს.
ფინური საუნა ათავისუფლებს სხეულს ტოქსინებისგან, აცილებს ზედმეტ წონას, გვეხმარება განტვირთვასა და სტრესის მოხსნაში. კანი საგრძნობლად ჯანსაღი, გლუვი და ლამაზი ხდება, განწყობა კი ბევრად ამაღლებული და პოზიტიური.

ტენიანობა: 40% 

ტემპერატურა: 95-98˚C

სარგებლობის რეკომენდირებული ხანგძლივობა: 10 წუთამდე